妖。
睇下而家幾多點
我真係未食過一餐咁難食ge飯
第一次發現 原來一齊食飯ge對象咁影響食物ge味道
好似食緊水味ge西餐咁 個心只係想快D食完快D走
對耳聽住D令我好想拍擡、好想反駁...我唔知好想做咩,
總之係一大堆我好想向全世界揭穿ge謊言
真實到無可挑剔ge虛偽 令人齒冷ge行為
我諗已經去到無可挽回ge地步 我唔會再縱容
不過只要佢肯讓步 肯為我犧牲少少 可以將我ge地位放喺佢ge垃圾瑰寶之上
佢講過ge果一堆不負責任ge惡言惡語 做過ge所有事 我都可以當無事發生過
今日喺地鐵,又比個死變態佬非禮,而家呢個年頭,
喺香港呢個地方,仲有D咁ge仆街,D仆街色魔真係唔知差館喺邊頭。
話說今日搭地鐵,我企喺車門打開果邊ge企位,去到一個幾多人上車ge站,
有條戴cap帽+口罩ge死佬衝車門,雖然佢遮淨對眼,但係都可以判斷到佢30~40歲上下。
條友一上車就雙手各捉一邊扶手罩住我個企位,我開頭不已為然,因為果陣時車門個位都真係幾多人,
諗住佢企返鬆D就會放手。點知等到後面D人企散左,佢仲係唔郁,仲要成個死人身壓落黎!
由於經常驚比人喺我個袋度潛野,我習慣係將個袋放喺身前,所以佢個身無直接惦到我,但係佢由腰至大腿個位已經壓哂落我個袋度。
我拍下佢隻手,佢只係放上少少,對眼一直望住窗外﹔我又試下隔住個袋推佢,用我ge力度竟然推唔開。確認佢係特登之後,我講左句「走開」。
當然佢無理我,扮聽唔到。於是我好大力撥開佢隻手,走左出去佢罩住ge範圍,有D乘客望住我。
然後個死色魔企左我個位,個身對住窗外,下個站就落左車。
我好後悔,事後諗左好多對付佢ge計策:
1)用10M範圍內ge乘客都聽到ge聲量叫佢「冷」開,大大聲問佢做乜摸我﹔
2)用把遮捅佢隻腳,如果佢鬧我夾唔認,就齊齊上差館﹔
3)用腳出盡力挫佢下面,我唔介意整污漕我隻腳令佢成世不舉﹔
4)如果佢郁我,我就算加鹽加醋都要屈到佢入罪。
D男人咁ge年紀都仲要靠非禮人發洩,睇死佢都係娶唔到老婆,又無錢叫雞,
個樣已經下流賤格,仲要心理唔平衡,上次有個男人趁人多乘機喺度磨黎磨去,我已經好後悔放佢走,
今次又放走多一次,真係便宜哂佢地。下次再比我遇到,實比我隊爆佢下面,費事佢地遺害人間。
我今個禮拜比人cancel左6堂補習囉...會唔會多左少少﹖
今朝一早我都未起身就有2個人打黎話下堂cancel,
靠Part Time開飯真係Shit!
阿媽又叫我借錢,
真係借過一次就有2345次。