洪總管(左)、皇后(中)、皇帝(右)
呢套野，超唔掂。本末倒置，九唔搭八，唔知想點!睇完真係好嬲!!
唔該唔係講男男就唔好話套野係男男啦。
根本就無必要講兩個男人，其實講佢兩個都中意皇后都無咩分別，
做乜要特登加D基情落去。最尾仲要搞到好似黃金甲咁，但係兩套野當然無得比。
除左打鬥場面做得好外，我覺得呢套野好唔掂。
其實故事交代得好足，但係佢掛名男男就錯好大!!
兩個男人果場床戲都唔知做乜，無啦啦轉個鏡就上床，
我仲有個小控訴係男男果場床戲就齋鍚，但係男女果無數場就乜體位都拍哂出黎，
仲要超長超仔細，好似教人XXOO咁，仲勁過拍咸片，爭在無影到男人果度!
上次睇Road Show話呢套劇拍得好好，令觀眾深思，我完全唔覺得邊一忽值得我去諗，
阿洪總管大人又唔知做乜，開頭皇帝叫佢同皇后生個仔就好似食砒霜咁，
上過一次床就上哂癮，本來皇帝發現佢兩個通姦都原諒佢，
都諗住佢真係知錯啦，仲跪左一日一夜係度等皇上，點知過兩日又去同皇后搞過，
仲要比皇帝捉姦在書房，皇帝於是嬲到命人宮左佢，佢比人宮果下我真係爽到爆，
我只係由佢同皇后私通開始就好想皇帝殺左佢，真係無諗過宮刑伺候，皇帝果然心思慎密!
果下幾驚佢心軟，切左之後我真係成個心舒坦哂，唔使再睇佢同個女人搞野。
但係最令人震怒ge，係成套劇連小小小小希望都無比過我。
第1，姓洪ge同皇后搞私情，仲要問皇帝點解要咁對佢地，簡直痴線﹔
第2，姓洪ge根本就無反省過自己做錯D咩，我覺得真係超唔合邏輯﹔
第3，姓洪ge愛上皇后ge理由真係莫名其妙，佢兩個除左上床，都無做過D咩，我唔覺得有愛﹔
第4，姓洪ge竟然到臨死前仲話無愛過皇上，仲要一再強調無無無!真係令人灰到極點!
其實皇上一直都好愛佢，但係佢就一D都無愛過皇上，劈佢不知劈得幾起勁，臨死都要送埋皇上落地獄，
我完全唔明佢開頭交待佢兩個相愛為乜!
留言列表
