MIANA in 腐樂園

日劇轉接期，無咩野打，講下呢本令我望穿秋水ge BL漫畫。 

我超想快D睇啊呢本(右)~我已經唔可以再等啦...快D出啊頂你

第一次睇水城D書係中學時期ge《鑽石偵察庭》(正常向)，唔好睇ge

然後再加上D畫風都唔啱我胃口，所以無再留意佢(炸)

不過我都有收藏《同棲愛》

然後網上好似無乜點流傳佢D短篇所以又不了了之左。

直到06年出左《窮鼠はチーズの夢を見る》呢本睇到令人發狂ge BL漫畫，果時我真係睇到抱頭大叫!!!

「恭一(受．圖左)你究竟想點呀~優柔寡斷到令人想扯佢幾十巴...你究竟要男定要女!?」<<<當時ge感受

我為今瀨(攻．圖右)感到極度無奈+痛苦。今瀨真係個非常令人心動ge男人啊，太代入佢黎睇ge話會睇得個心好傷痛。

雖然當時得到個不錯ge結局(終於將直男拗孿左)，但係《俎上の鯉は二度跳ねる 》呢個書名真係令人憂心忡忡= =

意思大概就係俎上肉掙扎兩次。兩次啊!!!我好擔心啊囧囧囧囧囧

其實一路睇一路都好明白恭一內心掙扎緊ge係乜野...現實社會出現呢種情況ge話一定都係充滿掙扎同淚水。

水城真係太中意描寫現實ge黑暗面了，不過我好中意~柳暗花明ge感覺不錯

另外係書名改得非常好，所以有機會出中文版的話希望唔好譯做《優柔有情人》!

中文直譯就係《窮途之鼠的奶酪之夢》，睇過ge應該都知點解，我中意有深度ge書啊~

P.S 我覺得佢D彩圖同黑白圖真係感覺大不同個人覺得黑白圖比較不錯。

上個月《窮鼠はチーズの夢を見る》仲出左新裝版，

希望有出版社拎到中文版權，如果唔係我要買日版啦Q_Q