MIANA in 腐樂園

因為無咩好寫...

其實今次都無咩好寫，只係上黎換下Banner，順便寫下野咋...

喺我心目中 ViViD (Banner圖)比 Alice 9th 更牛郎團

Ryoga仲著我最中意ge(男裝)內褲品牌Calvin Klein!!

零乃(佢個名一定要寫漢字先有feel)個絕對領域真係好正，我留意左好耐(毆

其實我都唔係好分到佢兩個...佢地一換造型我就撈亂ga啦..........

我真係未食過一餐咁難食ge飯

第一次發現  原來一齊食飯ge對象咁影響食物ge味道

好似食緊水味ge西餐咁  個心只係想快D食完快D走

對耳聽住D令我好想拍擡、好想反駁...我唔知好想做咩，

總之係一大堆我好想向全世界揭穿ge謊言

真實到無可挑剔ge虛偽  令人齒冷ge行為

我諗已經去到無可挽回ge地步  我唔會再縱容

不過只要佢肯讓步  肯為我犧牲少少  可以將我ge地位放喺佢ge垃圾瑰寶之上

佢講過ge果一堆不負責任ge惡言惡語  做過ge所有事  我都可以當無事發生過

超滿足今日同Grace & SoYing行左MK

喺朗豪坊買左件衫，已經算奢侈，不過好中意，加上(唔計台灣)已經有好幾年無買衫...﹖

然後去到旺中突然間覺得D衫好平，不過D Sales就膠D...

D Sales同女人街果D差唔多文化水平啦，都預左...加上Grace拖我走XD

呢D人真係成世做死旺中無得走~.~

行到超攰，夜晚Grace請食壽司去左Monster Sushi食，嘩...正

仲要高層無敵街景!

玉子燒真係好...蛋真係好!!

食完再行左陣，10點幾就返屋企~

由於我家的PC先生一向體虛力弱屬於易受病毒入侵的高危一族的關係

最近甚至被MSN打垮了

於是又發生了一些事

我懷著絕望的心情陪伴著歷盡滄桑的它

幾經艱苦終於又一同回到這個我和它都覺得熱到會令病情惡化的家

不過回來就好了......正當我這麼想的時候

才又發現事情根本沒有這麼簡單

幸運之神經常會因為害怕高攀不起脫俗如蓮的我而對我敬而遠之

今次亦不例外

這大概就是所謂的「上帝的考驗」吧

上帝通常喜歡給予高貴上等的人無數的考驗

我絕望到乃至抱著「即使PC先生此時此刻撒手塵寰也沒所謂」的心情看待罹患重病的它

幾天下來病情反反覆覆

而只能在一旁觀察的我只好拿起手邊的小說逐本細閱來打發時間

以前一本既薄字也疏的小說我可能要看上幾個月

這幾天我竟然以每晚60頁的速度把它們極速燃燒掉了

然後還解決了另一個把我折騰得生不如死的問題：

失眠。

我愛你，我的電腦。

你擴闊了我的視野、減少了輻射對我的眼睛造成傷害的機會﹔

你陪伴我走過了漫長又艱苦的歲月、帶給我無數的苦與樂……

但是現在，你的任務結束了。

你，可以去死了。

其實只係想貼下近排收集到ge圖...

吸血鬼男孩突然間就完左(其實都無諗過佢會幾多集完)

最後唔係好明，係咪所有人都忘記左件事呢﹖

不過有度真係笑左...雖然唔應該笑▼

雖然話黑宮係吸血鬼長唔大，但佢兩個ge年齡真係點睇都差左截(就算真琴扮學生都係)，最後竟然kiss...

我由第一集到最尾一集個腦都存在住3隻字：師生戀

然後...呢個係上集▼

咳......下面個男仔幾可愛的。

然後呢個好似係再上一集▼

之後係華麗間諜，呢套野偶爾有D無聊...

唔記得邊集啦...

然後，乙男4▼

雖然飛鳥好靚仔...但我中意佢▲

開鎖王6▼

呃...動畫，是但啦▼

豹頭王傳說▲

然後睇左仮面W，不久ge將來應該會有一大班o靚仔扭老豆買手指然後係條街度變身.....或者補習ge時候變身...XDDD

真係好耐無打過平日ge事...

今日晏晝去左旺角唱K，勁準時CUT歌...

喺3樓唱，自己上去自己入房，全程竟然無人帶(成層根本無人)

好似隨便都可以走入去唱咁囧

諗住應該可以唱耐D，點知一夠鐘搭到正就CUT歌，原來走果時樓下排隊排到出門口咁濟=.=

不過點都平+抵過Green Box，$39一個飯+2杯Menu飲品+Buffet+飲品無限飲......

行左陣，買唔到要買ge野，結果買左代替品，唔知掂唔掂- -

然後去朗豪坊，雖然話行，不過掛住傾計，傾傾下就落到底層= =

然後返上黎我竟然喺H&M買左2對手襪，佢咁快就咁多冬季衫，仲亂到好似開倉大平賣咁

我都想冬天快D黎，不過到時手襪可能已經唔見左(舊年買左頂帽都唔知去左邊)

我真係太中意買accessories

夜晚去左重慶大廈食咖哩，竟然10間鋪分10部lift...

食間野個招牌咖哩...正啊，不過下次要叫辣D，「少辣」一D都唔辣

我地叫2個飯，Waiter竟然話我地1個夠就只落1個單...XD

其實佢係好想推薦我地叫薄餅，不過我地最後都係叫多個飯

我覺得中國人食正餐永遠都要有飯，有餸淨就要用飯送......

佢地仲特登走埋黎問我地做乜要咁多飯XDDD

不過有時會唔知佢地講咩，又令我諗返起Ali一家...－.－

食完飯喺尖咀行左陣，經過G.O.D落左去睇，其實本來諗住買枕頭，不過佢間野真係太特色......

我第時間屋都想係咁!

後尾本來諗住去ge地方始終都去唔到，因為大家都係尖咀路癡!

結果行返去起點搭MTR返屋企

因為尋晚無訓ge關係，真係一上車就訓著....................

令人費解嘅動畫之其一

Phantom ～Requiem for the Phantom～

點解凱爾妹妹可以喺兩年內長得亭亭玉立，佢超越左停止生長嘅Ein姐姐，兩年時間起碼高左30cm。

我睇玲二哥哥以為佢9個月後已經between20~25歲，點知佢2年後同Ein姐姐做返學生，我以為剪片剪衰左!

其實可能唔止9個月，我都無乜點留意佢D時間囧

---------------------------

令人費解嘅動畫之其二

豹頭王傳說

呢位哥哥呢幾集迷上著女裝、化女妝，仲勾引男人，其實唔係太知佢想點，可能我個腦無過濾佢嘅言行= =

-------------------------------------------------------------------------------------------------------------------------

令人費解嘅日劇之其一

吸血鬼男孩

由之前好多集我已經唔明，點解中山優馬同加藤羅莎(求其譯)可以扮學生情侶。

就算有條馬尾，點睇都有20歲以上......

--------------------------

令人費解嘅日劇之其二

粉紅系男孩

(see左上plz)呢套純愛漫畫改篇ge劇集竟然咁恐怖，搞到我差D要close唔敢睇......

無聊(整Banner)+懶(打Blog)+憤世嫉俗(無銀用)

太耐無開PS，差D唔識用囧

我想去Working Holiday